Տարվա ձեռքբերումն այն էր, որ արցախյան հակամարտության կարգավորման գործընթացում Արցախը վերաճեց սուբյեկտի: Այսօր լրագրողների հետ հանդիպմանը նման տեսակետ հայտնեց քաղաքագետ Հրանտ Մելիք-Շահնազարյանը` ներկայացնելով արցախյան հակամարտության կարգավորման քաղաքական գործընթացի տարեկան ամփոփումը: Ըստ նրա` կար երկու կարևոր ձեռքբերում: Առաջինը, քաղաքագետի խոսքով, այն էր, որ բանակցային գործընթացում պարզ դարձավ, որ առանց ԼՂՀ հարցի լուծման հնարավոր չէ: Երկրորդն այն է, որ գործընթացում Ռուսաստանն իր էստաֆետը հանձնեց Մինսկի համանախագահներին:
«Իրականում բանակցային գործընթաց դեռևս չկա, հետագա բանակցություններ սկսելու համար որոշվում են այն սկզբունքները, որոնք բանակցությունների հիմքն են դառնալու: Պետք է ասել, որ այս տարին դարձավ Աստրախանում ստորագրված հռչակագրի սպասելիքների մի շրջան: Այս տարվա երկրորդ հանդիպումից հետո քննարկումները հայտնվեցին փակուղում»,- մեկնաբանեց Հ. Մելիք-Շահնազարյանը` հավելելով, որ միջազգային հանրությունը իրականում շահագրգռված է կայության պահպանության հարցում: Անդրադառնալով կորուստներին` նա ասաց այս տարի մանք շատ զոհեր ունեցանք: «Բայց թշնամին ավելի մեծ կորուստներ ունեցավ»,- ամփոփեց քաղաքագետը:
