Ֆրանսիայի ճանապարհային ոստիկանությունը վարորդական իրավունքից զրկել է Մոնակոյի արքայադուստր Կարոլինայի որդուն` Անդրեա Կազիրագին, որի ավտոմեքենան սլանում էր ժամում 200 կմ արագությամբ:
Ինչպես տեղեկացնում է France-Presse գործակալությունը, միջադեպը տեղի է ունեցել դեկտեմբերի 20-ին Փարիզ-Լիոն մայրուղու վրա:
Ոստիկանությունը ժամանակավորապես կալանավորել է Audi A6 ավտոմեքենան և վերցրել Կազիրագիի վարորդական իրավունքը: Երիտասարդը ստիպված է եղել իր ճանապարհորդությունը շարունակել գնացքով:
Անդրեա Կազիրագին Կարոլինայի ավագ որդին է: Քանի որ Կարոլինայի եղբայրը` Ալբերտ Երկորդը, որը զբաղեցնում է Մոնակոյի գահը, դեռ երեխաներ չունի, այդ պատճառով գահը կարող է ժառանգել Անդրեա Կազիրագին:
Հիշեցնենք, որ անցած տարվա նոյեմբերին Չեխիայի տրանսպորտի նախարար Վիտ Բարտը վարորդական իրավունքից զրկվել է կես տարով, քանի որ վարում էր իրական համարներով չգրանցված մեքենա: