«Քաղաքացիական և միջազգային հետազոտությունների» կենտրոնը և ԱՄՆ ազգային ժողովրդավարական ինստիտուտը (NDI) այսօր «Կոնգրես» հյուրանոցում կազմակերպել էին քննարկում` «2012 թ. քաղաքական զարգացումների սպասումները» թեմայով:
ՀՅԴ պատգամավոր Լիլիթ Գալստյանը նկատեց, որ ծանր բեռով ենք գնում դեպի 2012 թվական` կոռուպցիայի աճով, ժողովրդավարության նահանջով, արտագաղթի տեմպերի մեծացմամբ. «Մեզ ազգային մոբիլիզացիա է անհրաժեշտ, և դրա հնարավորությունն ունենք` 2012թ. մայիսի ընտրությունները հնարավորինս թափանցիկ և ազատ անցկացնելով»:
Նա նկատեց, որ ընտրապայքարը արդեն իսկ սկսվել է, հոգեորսության աստիճանի հասնող ձայներ հավաքելու գործընթացն սկսված է, բաժանվում են կուսակցական տոմսեր: Նա նշեց` եթե այս իրավիճակը պահպանվի, անհանգիստ փողոց կունենանք:
ՀՀԿ-ական գործիչը անդրադառնալով «Էկոնոմիստ»-ի վերջին հրապարակմանը` նշեց. թեև հանրահայտ լրատվամիջոց է հրապարակել այդ ցուցանիշները, սակայն դա իրականությանը չի համապատասխանում` Հայաստանը ժողովրդավարական չափանիշներով զիջում է միայն Վրաստանին:
Լիլիթ Գալստյանը մեղադրանք հնչեցրեց ՀԱԿ-ին, թե ինչո՞ւ Կոնգրեսը չմիացավ ՀՅԴ և «Ժառանգության» ջանքերին` Ընտրական օրենսգրքում փոփոխություներ իրականացնելու ճանապարհին, այլ տարվեց «ծիծաղելի», բայց անարդյունք երկխոսության գաղափարով:
Պ. Մակեյանը նշեց, որ այդ ժամանակ ՀԱԿ-ը արտահերթ ընտրություններ անցկացնելու կոչով էր հանդես գալիս: Գ. Մելիքյանն էլ կոչ արեց Լիլիթ Գալստյանին երկխոսությունը «ծիծաղելի» չկոչել, քանի որ դրանից շահեցին երկրի կայունությունը, ժողովրդավարությունը:
