Թուրքական Doğan լրատվական գործակալության փոխանցմամբ, Թուրքիայի նախագահ Աբդուլլահ Գյուլն անդրադարձել է դեկտեմբերի 22-ին Ֆրանսիայի խորհրդարանի կողմից Հայոց ցեղասպանության հերքումը քրեականացնող օրինագծի դիտարկման խնդրին.
«Այդ օրինագծի ընդունումը «հակասում է» խոսքի ազատությանը։ Այդպիսի օրինագծերը «մշտապես» հայտնվում են նախընտրական շրջաններում։ Ֆրանսիային և Թուրքիային միմյանց կապում է «դարավոր» բարեկամությունը, ընդհանուր շահերն ու կապերը։ Հուսով եմ, որ փոքրիկ քաղաքական հաշիվների պատճառով այդ ամենը չի դրվի վտանգի տակ։ Կարծում եմ, որ Ֆրանսիայում կհաղթանակի առողջ մտածելակերպը»։
