Երևանի ճարտարապետության և շինարարության պետական համալսարանի ռեկտոր Հովհաննես Թոքմաջյանը և Երևանի պետական համալսարանի պրոռեկտոր Ռուբեն Մարկոսյանը, խոսելով ավագ դպրոցների մասին, կարևորեցին ավագ դպրոցների ձևավորումը: «Բարձր որակի մասնագետ տալու համար կարևոր է, որպեսզի բուհը ունենա իր «շեֆության» տակ գտնվող ավագ դպրոցներ: Յուրաքանչյուր բուհին կից ավագ դպրոցներում պետք է անցկացվի ուսուցիչների վերապատրաստում,պետք է վերանորոգվեն և կահավորվեն դասասենյակները»,-նշեց Հովհաննես Թոքմաջյանը: Երևանի պետական համալսարանը մի փոքր զգուշավորություն է դրսևորում բուհին կից ավագ դպրոց ունենալու հարցում՝ գիտակցելով, որ դա ավելի պատասխանատու քայլ է: «Բուհին կից ավագ դպրոցներ ստեղծելով՝ մենք պետք է ապահովենք նաև ավագ դպրոցների հավասարությունը, արհեստականորեն մրցակցություն չստեղծելով դպրոցների միջև»,- նշեց ԵՊՀ պրոռեկտոր Ռուբեն Մարկոսյանը:
