Հոգեբանները վստահեցնում են, որ աղքատների և մուրացկանների տեսքը ազդում է զբոսաշրջիկների տրամադրության վրա: Ինչպես գրում է Times-ը, հավանաբար դա է պատճառը, որ Փարիզի իշխանությունները քաղաքի տեսարժան վայրերից վռնդել են աղքատներին և մուրացկաններին:
Ֆրանսիայի ՆԳ նախարար Կլոդ Գեանի խոսքերով, ոստիկանությանը հրաման է տրված տեսարժան վայրերից հեռացնել «իրենց ագրեսիվ պահող աղքատներին»:
Այդ միջոցառումներն իրականացվում են գնչուների փողոցային մանր հանցագործությունների դեմ պայքարի շրջանակում: Փարիզի ոստիկանությունը վստահ է, որ փողոցային հանցագործությունների մեծ մասը հեղինակում են գնչուները:
Նախարարը վստահեցնում է, որ իր գործողությունները լիովին աջակցել է նախագահ Նիկոլա Սարկոզին: Ֆրանսիայի կառավարությունը ցանկանում է պաշտպանել զբոսաշրջիկներին և Փարիզ բնակիչներին:
Ընդդիմությունը ոստիկանության գործողությունները չի խրախուսել: Կառավարության հակառակորդները չքավորների և մուրացկանների դեմ խիստ միջոցառումները դիտել են որպես Սարկոզիի կաբինետի հարձակում աղքատների և ազգային փոքրամասնությունների վրա: Այս որոշման դեմ է հանդես եկել նաև Փարիզի քաղաքապետ Բերտրան Դելանոեն, որը, թվում էր, պետք է կողմ լիներ ոստիկանության գործողություններին:
«Պայքարել չքավորության դեմ ճնշումների և տուգանքների միջոցով այն ժամանակ, երբ պետությունը չի կատարում իր պարտավորությունները, ահավոր է»,- հայտարարել է նա:
