Լոս Անջելոսում ոստիկանությունը ձերբակալել է մի մարդու, որը կասկածվում է Չինաստանի հյուպատոսարանի վրա հարձակում կատարելու մեջ:
Ինչպես հայտնում է The Los Angeles Times-ը, կալանավորվածը, ոստիկանների վստահեցմամբ, դեկտեմբերի 15-ի ցերեկը կրակ է բացել պահակների ուղղությամբ, որոնք գտնվում էին հյուպատոսարանի շենքի մոտ:
Հնարավոր տուժածների մասին տեղեկություններ չկան: Կասկածյալի անունը չի հրապարակվում, հայտնի է միայն, որ նա հիսունն անց տղամարդ է: Վերջինս ինքնակամ է հանձնվել ոստիկանությանը, զենքը առգրավված է:
Իշխանությունների տվյալներով՝ տղամարդը մասնակցել է բողոքի ակցիային, որը տեղի էր ունեցել հյուպատոսարանի մոտ. իբր նա ոստիկանների հետ վեճի է բռնվել, որից հետո նստել է մեքենան և ինը կրակոց արձակել:
Չի հաղորդվում նաև, թե ինչի դեմ էին բողոքում ակցիայի մասնակցիները: