Հայ ազգային կոնգրեսը «Առաջին լրատվական»–ին տեղեկացնում է, որ դեկտեմբերի 14-ին տեղի է ունեցել Հայ ազգային կոնգրեսի քաղխորհրդի նիստ:
Նիստում ամփոփվել է քաղաքական տարին, և քննարկվել են քաղխորհրդի գործունեության առաջիկա ծրագրերը:
Նիստում Հայ ազգային կոնգրեսի պետաիրավական հարցերի հանձնաժողովի համակարգող Գագիկ Ջհանգիրյանը ներկայացրել է Կոնգրեսի` «Դատաիրավական բարեփոխումների հայեցակարգ» ծրագրի նախագիծը: Հայեցակարգի հիմնական առանցքը կազմում են օրենսդրական, կառուցվածքային, ֆունկցիոնալ այնպիսի փոփոխություններ, որոնք կնպաստեն մարդու իրավունքների արդյունավետ պաշտպանությանը, գործադիր և օրենսդիր իշխանություններից դատարանների լիակատար անկախացմանը, մինչդատական վարույթի նկատմամբ դատախազական հսկողության լիազորության արդյունավետ իրականացմանը, դատական վերահսկողության շրջանակի ընդլայնմանը:
