Նովգորոդ քաղաքի քրեական աշխարհի «հայրերից» մեկի` Թելման Մխիթարյանի կալանքը երկարացվել է երկու ամսով. հաղորդում է Regnum գործակալությունը: Այս մասին դատարանը որոշում է կայացրել դեկտեմբերի 17-ին: Նա մեղադրվում է առավել խոշոր չափով դրամաշորթության մեջ, որը կատարել է մի խումբ անձանց հետ նախօրոք համաձայնության գալու միջոցով:
Ժամանակին Մխիթարյանը եղել է Նովգորոդի շրջանի նախկին նահանգապետ Միխայիլ Պրուսակի քաղաքական հարցերով օգնականը, Նովգորոդի պատվավոր քաղաքացի է: Պրուսակի հրաժարականից հետո նա երկար ժամանակ փախուստի մեջ էր: Օգնական եղած ժամանակ նրան են պատկանել շրջանի մի շարք առանցքաային հիմնարկներ` «Նովգորոդի ապակեթելի գործարանը», «Պրոյեկտստրոյը» և այլն:
Այս տարվա օգոստոսին նրան ձերբակալել էին Երևանում, որից հետո Հայաստանի իշխանությունները որոշում են կայացրել նրա արտահանձման մասին:
