Աշխարհի խոշորագույն Facebook սոցիալական կայքը ԱՄՆ-ում ծրագիր է բեռնում, որը ուղղորդված է օգնել մարդկանց, ովքեր ինքնասպանություն գործելու մտադրություն ունեն: Այս մասին հաղորդում է Associated Press-ը:
Ինչպես հաղորդվում է, ծրագիրը, որի բեռնումը տեղի կունենա երեքշաբթի օրը, թույլ կտա կայքից օգտվողներին միանգամից կապվել ԱՄՆ-ում ինքնասպանությունները կանխող Ազգային «թեժ գծի» խորհրդատուների հետ:
Բացի դրանից, Facebook-ից օգտվողները կարող են հայտնել իրենց ընկերների ինքնասպանության մտադրությունների մասին` սեղմելով հատուկ հղում նրանց հաղորդագրությունների կողքին:
Նրանք, ովքեր ցանկանում են ինքնասպանություն գործել, համապատասխան հաղորդագրություններ են թողնում սոցկայքում: Նոյեմբերին ամերիկացին ինքնասպանության մասին հաղորդագրություն էր գրել, որից հետո սպանել էր կնոջը, բարեկամներին, հետո՝ ինքն իրեն:
ԱՄՆ-ում օրեկան 100 մարդ ինքնասպանություն է գործում, իսկ տարեկան այդ ցուցանիշը հասնում է 36 հազարի:
Facebook սոցիալական կայքում կա 800 միլիոն օգտատեր: Նրանց 50 տոկոսը կայք է մտնում է ամեն օր:
