«Տիտանիկ» ուղևորատար նավի կործանման մասին հեռագիրը, որը թվագրված է 1912 թվականի ապրիլի 15-ով, աճուրդի է հանվել: Այս մասին հայտնել է Sotheby’s աճուրդի տան մամուլի ծառայությունը:
Աշխարհի ամենամեծ «Տիտանիկ» նավը 2200 ուղևորներով և ողջ անձնակազմով խորտակվել էր 1912 թվականի ապրիլի 15-ին: Տարբեր տվյալների համաձայն՝ մահացել է 1400-ից 1517 մարդ, փրկվել է 705 ուղևոր: Քանի որ ջրի ջերմաստիճանը չի գերազանցել -2 աստիճանը, շատերը ջրում սառել էին:
«Այս առավոտ «Տիտանիկը» խորտակվեց»,- հաղորդվում է հարյուրամյա փաստաթղթի մեջ, որն ուղարկվել էր White Star Line ընկերության տնօրեն Բրյուս Իսմեի կողմից, որին պատկանում էր նավը:
ԱՄՆ մամուլը տաք հետքերով նրան անվանել «Տիտանիկի սրիկա»: Նա պաստախանատու էր նավի նախագծման, ինչպես նաև 48 փրկարարական մակույկներից հրաժարվելու որոշման համար:
Առաջին հաղորդագրութունը նյույորքյան գրասենյակ է ուղարկվել «Տիտանիկ»-ի խորտակումից տասնմեկ ժամ անց:
Պատմական հեռագիրը և ևս յոթ փաստաթուղթ, որոնք ուղարկվել են դեպքից անմիջապես հետո, աճուրդում գնահատվում են 100 հազար դոալորվ:
Բոլոր հեռագրերը պատկանել են Մարքոնիի ընկերությանը, որը տեղափոխել էր ուղևորների մի մասին, այդ թվում՝ նաև Իսմեին: Դրանք մինչև այժմ պահվել են ստացողի գրասենյակի հատուկ ալբոմում:
Իսմեն քրեական պատասխանատվության չի ենթարկվել, գրեթե ամբողջ կյանքը ճգնավորի կյանքով ապրել է Իռլանդիայում: