Դեկտեմբերի 11-ին «Ժառանգություն» կուսակցության վարչության անդամներ Ռուբեն Հակոբյանը, Կարինե Հակոբյանը, Դավիթ Սանասարյանը, խմբակցության անդամներ Լարիսա Ալավերդյանն ու Արմեն Մարտիրոսյանը այցելել են Գեղարքունիքի մարզ և հանդիպումներ ունեցել Վարդենիսի, Մարտունու, Գավառի բնակչության, իսկ Սևանում` երիտասարդության ներկայացուցիչների հետ:
«Ժառանգություն» կուսակցության լրատվական ծառայությունից «Առաջին լրատվական»-ին տեղեկացվել է, որ հանդիպումների ընթացքում հաշվետվություն է տրվել կուսակցության գործունեության մասին, այնուհետև «Ժառանգության» ներկայացուցիչները խոսել են երկրի սոցիալ-տնտեսական իրավիճակի, արտագաղթի, մարդու իրավունքների ոտնահարման, հասարակության ծայրահեղ բևեռացման, երիտասարդության հիմնախնդիրների, ինչպես նաև երկրում ստեղծված ծանր իրավիճակը ծնող պատճառների մասին:
Հանդիպման մասնակիցները բարձրացրել են բազմաթիվ հարցեր` կապված թանկացումների, ցածր աշխատավարձերի, ավանդների վերադարձման, կրթության եւ առողջապահության անմատչելիության, Սևանի հիմնախնդրի և այլ հարցերի շուրջ:
Հատկապես սուր քննադատության է ենթարկվել Ազգային ժողովում տիրող մթնոլորտը և պատգամավորին անվայել վարքագիծը: