«Ժողովուրդ»-ը գրում է, որ ՀՀ ԱԺ նախկին նախագահ Հովիկ Աբրահամյանն իր զրահապատ ծառայողական մեքենան ԱԺ-ին հանձնելուց հետո շրջում է սեփական մեքենայով` «100 OO 01» համարանիշերով: Այդ մեքենայի հետևից էլ ոստիկանական լուսաձայնային ազդանշաններ` «միգալկաներ» ունեցող մի մեքենա է շրջում:
«Մինչդեռ շարքային պատգամավորն իրավունք չունի նման համարանիշեր, առավել ևս ուղեկցող թիկնազոր ունենալ. «oo 01» համարանիշերով ավտոմեքենաները տրամադրվում են միայն ԱԺ նախագահին և փոխնախագահներին, հանձնաժողովների ու խմբակցությունների ղեկավարներին ու տեղակալներին: Ինչո՞ւ է Հովիկ Աբրահամյանն արտոնյալ կարգավիճակում»:
ԱԺ աշխատակազմի ղեկավար Գեղամ Ղարիբջանյանը «Ժողովուրդ»-ին հայտնել է, որ աշխարհում ընդունված կարգ է, որ ԱԺ նախագահները շրջեն այդպիսի համարներով. «Եթե Տիգրան Թորոսյանն էլ ցանկանար, կտայինք»:
«Ինչ վերաբերում է «միգալկաներին», ապա Ղարիբջանյանը տեղյակ չէր»,- հավելում է թերթը: