«Ժառանգություն» կուսակցությունը ամենատարբեր քաղաքական ուժերի հետ քննարկումների ժամանակ նախընտրական ցուցակներին առնչվող հարցեր դեռևս չի քննարկել:
«Մենք ունենք հանրակարգային ներքին հակում` դաշինքային ավելի լայն լուծումների: Կարծում եմ, որ մեր դժբախտությունները կապված են այն խնդրի հետ, որ յուրաքանչյուր ուժ ուզում է հանդես գալ իր փոքրիկ դրոշի ներքո: Մինչդեռ ամեն ուժ պիտի հասկանա, որ իր փոքրիկ արահետը չի կարող մեծ հարցեր լուծել: Եթե իրապես կա գաղափարական միասնականության հավանականություն, մենք պատաստ ենք համագործակցել: Ներկայում մեր դռները բաց են բոլորի համար:
«Ժառանգությունը» հավատավոր գործոն է դաշտը միացնելու, այնպես որ` անմիաբան իրավիճակի հիմնական պատասխանատվությունը գտնվում է մեր կուսակցությունից դուրս»,- նկատեց նա:
Հովհաննիսյանի խոսքով` իշխանությունը վերից վար պետք է փոխվի` թե նախագահության, թե կառավարության, թե առանձին անձանց մասով:
«Հայ ժողովուրդը միշտ պետք է այլընտրանք ունենա: Եթե որոշ ուժեր ասում են, թե ԱԺ նախագահի մեր թեկնածուի առաջադրումը շոու էր, թող նրանք սկզբից իրենց գործունեությանը նայեն և նոր միայն սլաքն ուղղեն դեպի մեզ:
Լարիսա Ալավերդյանը ակտիվ, հարգելի պատգամավոր է, ունի մեծ փորձ: Մենք համարեցինք որ նրա թեկնածությունը ամենահարմարն է: Իմ թեկնածությունը չի քննարկվել, քանի որ կուսակցության մյուս անդամները հաստատ ավելի արժանի էին ԱԺ նախագահ լինելու»,- ասաց նա:
Շարքային հային պետք է դուրս բերել սեփական հայրենիքից օտարված լինելու վիճակից: «Այլապես յուրաքանչյուրը կասի` ամեն բան արդեն որոշված է, և այլևս ոչ մի բան չի անի: Մինչդեռ սա Հայաստանի կործանում կնշանակի»,- ասաց կուսակցության առաջնորդը:
Րաֆֆի Հովհաննիսյանը արժանի համարեց տեղեկացնել, որ իրենք կողմնակից են 100 տոկոսանոց համամասնական ընտրակարգին:
Ամփոփելով` նա նկատեց, որ որևէ հիմք չունի` պնդելու, թե ԲՀԿ-ն դուրս կգա կոալիցիայից:
