Շոտլանդիայում հինգշաբթի և ուրբաթ օրերին տեղի ունեցած փոթորկի հասցրած տնտեսական վնասը գնահատվում է 100 մլն ֆունտ սթեռլինգ (157 մլն դոլար):
Ինչպես հաղորդում է ИТАР-ТАСС-ը, փոթորկի ընթացքում չի գործել երկրի էլեկտրակայանների երկու երրորդը: Կրճատված աշխատանքային օրը, արգելափակված ճանապարհները, էլեկտրամատակարարման խափանումները, մարդկանց՝ աշխատանքի դուրս չգալը զգալիորեն նվազեցրել են նաև արտադրողականությունը:
Մինչ այժմ Շոտլանդիայում առանց էլեկտրականության է մնում 30 հազար տնտեսություն:
Հիշեցնենք, որ նախորդ երկու օրերի ընթացքում Շոտլանդիայում քամու արագությունը հասնում էր 265 կմ ժամի: Այն ռեկորդային է համարվում երկրում վերջին 25 տարիների ընթացքում:
