Грузия Online-ի փոխանցմամբ, այսօր Վրաստանի խորհրդարանը հաստատել է 2012 թվականի պետբյուջեն։ Պետբյուջեի նախագծի օգտին կողմ է քվեարկել 86 պատգամավոր, դեմ՝ 3։
Վրացական ընդդիմությունը հրաժարվել է աջակցել 2012 թվականի պետբյուջեի նախագծին՝ ընդգծելով, որ դրանում հաշվի առնված չեն քաղաքացիների սոցիալական կարիքները։
Բացի այդ, ընդդիմությունը կարծում է, որ պետբյուջեն թափանցիկ չէ, դրանում առկա են բազմաթիվ քողարկված կետեր, որոնք իշխանությունները մտադիր են գործի դնել հաջորդ տարվա աշնանը կայանալիք խորհրդարանական ընտրություններից առաջ՝ իրենց նախընտրական կամպանիայի ժամանակ։
Նշվում է, որ 2012 թվականի Վրաստանի բյուջեն կազմելու է 7.940.430.000 լարի (1 լարին հավասար է 0.56 դոլարի)։