ԵՄ բոլոր երկրները, բացառությամբ Մեծ Բրիտանիայի, հայտարարել են, որ ցանկանում են միանալ «բյուջետային պայմանագրին», որը ԵՄ գագաթնաժողովի առաջին օրը առաջարկվել էր եվրոգոտու առաջնորդներին: Այս մասին ասվում է Եվրահանձնաժողովի կայքում տեղադրված փաստաթղթում:
«Նոր պայմանագրի վերաբերյալ եվրոգոտու առաջնորդների վերջնական հայտարարության համաձայն, որով նախատեսվում է խստացնել բյուջետային միջոցների ծախսերի և պետական պարտքերի ծավալների նկատմամբ վերահսկողությունը, միանալու ցանկություն են հայտնել Հունգարիան, Չեխիան, Բուլղարիան, Դանիան, Լատվիան, Լիտվան, Լեհաստանը, Ռումինիան և Շվեդիան, բայց միայն ազգային կառավարությունների մակարդակով առաջարկների համաձայնեցումից հետո:
Այդ կերպ, պայմանագիրը կարող է ստորագրվել «եվրոգոտու 17 երկրներ գումարած ԵՄ ինը երկրներ» ձևաչափով:
