Մեծ Բրիտանիայի իշխանությունները կրկնակի մեծացրել են սեռը փոխած անձանց կամ հաշմանդամների սպանության համար նախատեսված նվազագույն պատժաչափը` 15 տարուց հասցնելով 30-ի: Այս մասին հայտնում է BBC-ն` վկայակոչելով Բրիտանական կառավարության որոշումը:
Համապատասխան փոփոխությունները կատարվելու են դատավորների համար, որոնք դատավճիռ էին կայացնում այս գործերով:
«Այս հողի վրա կատարված հանցագործությունները իրենց բնույթով զազրելի են, նրանք ստիպում են հասարակության որոշակի հատվածի ապրել վախի մթնոլորտում` առանց դրդապատճառի բռնության ենթարկվելու մտայնությամբ: Այդ առաջարկությունները հստակ ցույց են տալիս այդ հանցագործությունների համար հետագա պատասխանատվությունը, և կատարողները հստակ իմանալու են, որ իրենց սպառնում է ավելի խիստ պատիժ այդ անընդունելի արարքների համար»,- նշել է Մեծ Բրիտանիայի արդարադատության նախարար Քեն Քլարքը:
