Դեկտեմբերի 9-ին Երևանում կայացավ Համահայկական 5-րդ խաղերի համաշխարհային կոմիտեի հանձնաժողովի գլխավոր վեհաժողովի նիստը:
Կոմիտեի նախագահ Իշխան Զաքարյանը նշեց, որ մրցույթի անցկացման համար տարբեր աղբյուրներից հավաքավել է 206 մլն 670 հազար դրամ: 80 մլն դրամը հատկացվել էր պատբյուջեից, որից ծախսվել է 31 մլն-ը, իսկ 49 մլն-ը վերադարձվել է:
Հովանավորներն ընդհանուր առմամբ տրամադրել էին 114 մլն դրամ, որից 20 մլն-ը նույնպես պահպանվել է և կծախսվի Համահայկական խաղերի համաշխարհային կոմիտեի հետագա աշխատանքների իրականացման ժամանակ: Կոմիտեի նախագահը տեղեկացրեց, որ «ՎիվաՍել-ՄՏՍ» ընկերության գլխավոր տնօրեն Ռալֆ Յիրիկյանը ցանկություն է հայտնել դառնալ Համահայկական խաղերի գլխավոր հովանավորը:
ՀՀ նախագահ Սերժ Սարգսյանի հրամանագրով Համահայկական 5-րդ խաղերի` բարձր մակարդակով կազմակերպման ու անցկացման համար 10 մարդ արժանացավ շնորհակալագրերի, իսկ կոմիտեի անդամ Հրաչ Տեր-Սարգսյանը ՀՀ Նախագահի կողմից Հայաստանի քաղաքացու անձնագիր ստացավ: Կոմիտեի սփյուռքահայ բոլոր անդամները կունենան ՀՀ անձնագրեր: