Friday, 29 03 2024
Էրդողանի կասկածները եւ խաղաղությունն ու պատերազմը Կովկասում
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ

ԱՄՆ-ը և Շվեյցարիան պատրաստվում են վերակենդանացնել հայ-թուրքական գործընթացը

Վերջին քննարկումներն այս հարցի վերաբերյալ եղել են սեպտեմբերին, երբ օգոստոսի կեսերին Թուրքիայի նոր գումարման խորհրդարանի կողմից անվավեր ճանաչված դիվանագիտական հարաբերությունների հաստատման և երկկողմ հարաբերությունների զարգացման մասին հայ-թուրքական արձանագրությունները նախարարների խորհուրդը կրկին վերադարձրեց խորհրդարանի մեծ օրակարգ: Իհարկե, սա Թուրքիայի դիվանագիտական քայլն էր, որ ցույց տան միջազգային հանրությանն ու Հայաստանին, թե երբ իրենք ցանկանան, այն ժամանակ էլ կզբաղվեն հայ-թուրքական արձանագրություններով:

Իրականում արձանագրություների դուրսբերումը թուրքական խորհրդարանի օրակարգից բազմաթիվ մեկնաբանությունների տեղիք տվեց, պակաս չէին գնահատականները նաև դրանց վերադարձի առնչությամբ: Եվ ահա, այդ գործընթացից ամիսներ անց կրկին արծարծվում է հայ-թուրքական հարաբերությունների կարգավորման գործընթացը վերսկսելու հարցը:

Մասնավորապես այդ մասին գրել է թուրքական Hurriyet թերթը, որի փոխանցմամբ, Շվեյցարիան կարող է վերսկսել հայ-թուրքական կարգավորման գործընթացում իր միջնորդական առաքելությունը: Պարբերականը, հղում կատարելով սեփական դիվանագիտական աղբյուրների տվյալներին, տեղեկացնում է, որ Վիլնյուսում՝ ԵԱՀԿ արտգործնախարարների նիստի շրջանակներում կայացած Հայաստանի և Ադրբեջանի արտգործնախարարների հանդիպումից անմիջապես հետո Թուրքիայի արտգործնախարար Ահմեդ Դավութօղլուն բանակցություններ է վարել Շվեյցարիայի նախագահ և արտաքին գործերի դաշնային դեպարտամենտի տնօրեն Միշլին Քալմի Ռեյի հետ և մի շարք այլ հարցերի թվում քննարկել նաև հայ-թուրքական հարաբերությունների կարգավորման գործընթացը, որում Շվեյցարիան հանդես է գալիս որպես միջնորդ: Պարբերականի աղբյուրի տեղեկացմամբ, այդ հանդիպման հանգուցալուծումը եղել է այն, որ ամենայն հավանականությամբ հայ-թուրքական հարաբերությունների կարգավորման գործընթացը Շվեյցարիայի միջնորդությամբ կարող է երկրորդ շունչ ստանալ:

Շվեյցարիա-Հայաստան ընկերակցության նախագահ Սարգիս Շահինյանը «Ժամանակի» հետ զրույցում նշեց, որ Շվեյցարիայի կողմից իրականացվող միջնորդական առաքելության վերսկսման հնարավորություն, իհարկե, կա, և շատ հավանական է, որ այդ ինֆորմացիան համապատասխանում է իրականությանը: Նրա խոսքերով, թե՛ Շվեյցարիայի, թե՛ ԱՄՆ-ի համար խնդիրն այս պահին բավականին հստակ է դրված, և վերջիններս միտված են անելու այնպիսի քայլեր, որոնք հնարավորություն կտան հավասարակշռություն ստեղծել տարածաշրջանում և այնտեղ ապահովել ԱՄՆ ներկայությունը. «Իր այդ նպատակների մասին ԱՄՆ-ը բազմիցս բարձրաձայնել է: WikiLeaks-ում էլ 2010-ի հունվարին ԱՄՆ դեսպանը բացեիբաց ասել էր, որ իրենց համար 2011-ի ամենաառաջնային խնդիրը պետք է լինի հայ-թուրքական հարաբերությունների կարգավորման գործընթացի վերսկսումը, և այդ խնդիրը նա համարել էր նույնիսկ առավել կարևոր, քան իրանական խնդիրը»:

Այն, որ հայ-թուրքական գործընթացին շվեյցարական միջնորդությամբ երկրորդ շունչ հաղորդելու մասին խոսակցությունները նախաձեռնել է հենց ԱՄՆ-ը, ակնայտ է, որովհետև Դավութօղլուի հանդիպումը Շվեյցարիայի նախագահի հետ հաջորդեց ԱՄՆ փոխնախագահ Ջոզեֆ Բայդընի այցելությանը Թուրքիա: Հիշեցնենք, որ Բայդընը հայ-թուրքական հարաբերությունների կարգավորման հարցը քննարկել էր թե՛ Թուրքիայի խորհրդարանի խոսնակ Ջեմիլ Չիչեքի, թե՛ նախագահ Աբդուլլահ Գյուլի և թե՛ վարչապետ Ռեջեփ Էրդողանի հետ ունեցած հանդիպումներում: Նա ողջունել էր Թուրքիայի քայլը արձանագրությունները խորհրդարան վերադարձնելու առումով և հույս հայտնել, որ առաջիկայում Թուրքիայի խորհրդարանը քայլեր կձեռնարկի դրանց վավերացման ուղղությամբ:

Բայդընի՝ Թուրքիա այցելության և Թուրքիայի արտգործնախարարի՝ Շվեյցարիայի նախագահի հետ հանդիպման միջև կապ Սարգիս Շահինյանը ևս տեսնում է: Նրա խոսքերով, ԱՄՆ համար հայ-թուրքական հարաբերությունների կարգավորումը կարևոր է այն առումով, որ հանգիստ կարողանա տարածաշրջանից գազ տեղափոխել դեպի Արևմուտք: «Շվեյցարիան ևս հետաքրքրված է այս խնդրով, որովհետև նախ Շվեյցարիան էլ այդ գազի կարիքն ունի և շվեյցարական խոշոր էներգետիկ ընկերություններ համաձայնություններ ունեն ադրբեջանական և իրանական գազային ընկերությունների հետ: Պարզ է, որ Շվեյցարիան առաջին հերթին հետաքրքրված է այդ գազը ապահով ճանապարհով սեփական երկիր հասցնելու խնդրով, ինչն էլ պետք է իրականացվի Nabucco-ի միջոցով»,- կարծիք հայտնեց Շահինյանը:

Նա նաև նկատեց, որ Շվեյցարիան հայ-թուրքական գործընթացում միջնորդական առաքելություն իրականացնելու ևս մեկ շահագրգռվածություն ունի: Նրա խոսքերով, դա պայմանավորված է ԱՄՆ-Շվեյցարիա հարաբերություններով. «Շվեյցարիան բավականին լուրջ խնդիրներ ունի ԱՄՆ-ի հետ դրամական հարաբերությունների ոլորտում և ինքը, հանձն առնելով այս տեսակ միջնորդական գործունեություններ, փորձում է ստանալ ԱՄՆ մեղմ դիրքորոշումն իր նկատմամբ»:

Ի դեպ, հայ-թուրքական խնդրի մասին խոսել է նաև Սերժ Սարգսյանը Մարսելի հայ համայնքի ներկայացուցիչների հետ հանդիպման ժամանակ: Նա վստահություն է հայտնել, որ Թուրքիան պետք է ապաշխարի, և որ «երբևէ Թուրքիայի ղեկավարությունը կարող է ուժ գտնել և վերարժևորել իր մոտեցումները Հայոց ցեղասպանության հանդեպ»: Նա նաև շեշտել է, որ Հայաստանը պատրաստ է Թուրքիայի հետ ունենալ բնականոն հարաբերություններ, ինչպես վայել է հարևան երկրներին. «Վաղ թե ուշ իրեն եվրոպական երկիր համարող Թուրքիան կունենա եվրոպական լինելուն հարիր ղեկավարություն, որը գլուխ կխոնարհի Ծիծեռնակաբերդում: Ավելի լավ է` վաղ, բայց դա Թուրքիայի ժողովրդի գործն է: Մենք նրանց ոչինչ չենք պարտադրում. դա իրենք պետք է անեն հանուն թուրք ժողովրդի, ինչպես որ Վիլի Բրանդտը դա արեց հանուն գերմանացիների»:

Ինչևէ, եթե ԱՄՆ-ի և Շվեյցարիայի շահագրգռվածությունը հայ-թուրքական գործընթացի վերսկսման նկատմամբ այդքան մեծ է, ապա դրան ուղղված քայլերն, ամենայն հավանականությամբ, մենք կարող ենք տեսնել 2012 թ., քանզի 2011-ի ավարտին հաշված օրեր են մնացել: Սակայն մեծ է կասկածը, որ գործընթացին «երկրորդ շունչ» տալու փորձը ևս կարժանանա առաջինի ճակատագրին, քանզի այս երկրորդ շունչն էլ խնդրի մասնակից և միջնորդ կողմերից յուրաքանչյուրը կօգտագործի սեփական շահերն իրացնելու ուղղությամբ, մանավանդ որ` առաջիկայում ընտրություններ են:

Բաժիններ
Ուղիղ
Լրահոս
Որոնում