Վրաստանում հինգշաբթի օրը տեղի է ունեցել Forbes Georgia ամսագրի՝ Forbes–ի տեղական տարբերակի շնորհանդեսը: Այս մասին հաղորդում է Новости-Грузия-ն:
«Forbes-ի վրացական տարբերակը համարվում է 20-րդ միջազգային հրատարակությունը ամսագրի 100-ամյա պատմության մեջ»,- հայտարարել է Forbes Georgia-ի գլխավոր խմբագիր Ռևազ Սակևարիշվիլին:
«Forbes Georgia-ի նպատակն է հասարակությանը տեղեկացնել վրացական բիզնեսի և երկրի էկոնոմիկայի ձեռքբերումների մասին»,- նշել է գլխավոր խմբագիրը։
Forbes Georgia-ն լույս կտեսնի ամիսը մեկ անգամ՝ երեք հազար օրինակով: Ամսագիրը կարժենա վեց դոլար: Առաջին համարից սկսած՝ կաշխատի նաև հրատարակության համացանցային տարբերակը։
Ամսագրի շապիկի վրա պատկերված կլինի Բիլ Գեյթսի նկարը: Forbes Georgia ամսագիրը կթողարկի Media Partners JSC հրատարակչական տունը՝ համագործակցելով ամերիկյան Forbes Media LCC ընկերության հետ:
