Թաիլանդի քրեական դատարանը դեկտեմբերի 8-ին 2,5 տարի ազատազրկման է դատապարտել ԱՄՆ քաղաքացի Ջո Գորդոնին, որին մեղավոր է ճանաչել թագավար Պումիպոն Ադուլյադետ վիրավորելու համար: Այդ մասին հաղորդում է Bangkok Post-ը:
55-ամյա Ջո Գորդոնը, որը հայտնի է նաև Լերպոնգ Վիչայխամաթ անունով, մեղադրվում է նրանում, որ 2007 թվականի նոյեմբերի 2-ից մինչև 2011 թվականի մայիսի 24-ը իր բլոգում տեղադրել է թաիերենով թարգմանված Ադուլյադետի կենսագրականը` «Թագավորը երբեք չի ժպտում», որն արգելված է Թաիլանդում: Թաիլանդի օրենսդրության համաձայն` թագավաորական ընտանիքին ուղղված վիրավորանքի դեպքում այդ անձին սպառնում է մինչև 15 տարի ազատազրկում:
Գորդոնը ձերբակալվել է 2011 թվականի մայիսի 24-ին: Սկզբում նա հրաժարվում էր իրեն մեղավոր ճանաչել, սակայն փաստաբանը համոզել է ընդունել իր մեղքը: Հաշվի առնելով այն, որ մեղադրյալը ընդունել է իր մեղքը, դատարանը նրան դատապարտել էր հինգ տարվա ազատազրկման, սակայն հետագայում այն կրճատել է երկու անգամ:
Գորդոնի փաստաբանը նշել է, որ իր պաշտպանյալը մտադիր չէ բողոքարկել դատարանի որոշումը: Սակայն հունվարին մտադիր է դիմել երկրի արդարադատության նախարարություն` թագավորից խնդրելով ներում շնորհել:
Associated Press գործակալության տվյալներով, Գորդոնը մատնամշում է այն հանագամնքըկ, որ հանցագործությունը նա կատարել է ԱՄՆ տարածքում: ԱՄՆ պետդեպարտամենտում վստահ են, որ Գորդոնի հանցագործության ծանրությունը չափազանցված է և նա արժանի չէ անազատության մեջ գտնվել:
Հիշեցնենք, որ վերջերս Թաիլանդի դատարանը 20 տարվա ազատզրկման էր դատապարտել 61-ամյա Ամպոն Թանգնոպպակուլին` թագավորին մասին վիրավորական հաղարդագրություն գրելու համար: