ՌԴ ԱԳ նախարար Սերգեյ Լավրովը դեկտեմբերի 7-ին Վիլնյուսում, որտեղ տեղի է ունենում ԵԱՀԿ հանդիպումը, ԱՄՆ պետքարտուղար Հիլարի Քլինթոնին մեղադրել է ԵԱՀԿ-ի նկատմամբ անհարգալից վերաբերմունքի համար` մեկնաբանելով նրա հայտարարությունն այն մասին, թե ռուս ընտրողները արժանի են, որ հետաքննվեն Պետդումայի ընտրությունների կեղծիքների մասին հաղորդագրությունները:
Նա նաև ենթադրել է, որ Քլինթոնի քննադատությունը կապված է ԱՄՆ նախագահի ընտրությունների նախապատրաստական աշխատաքների հետ, և դրանով նա ցանկանում է ամերիկացիներին ցույց տալ, թե «իրենք ինչ զիլ են»:
«Ես կարծում եմ, որ այն անհարգալից է ԵԱՀԿ-ի նկատմամբ: Եթե մենք կշտամբանք ունենք իրար նկատմամբ, և եթե ցանկանում ենք այդ հարցերը լուծել, ապա դրանք պետք է արվեն երկխոսությունների ճանապարհով, և չպետք կիրառվեն տեղեկատվական տարածությունում քաղաքական միավորներ հավաքելու համար»,-հայտարարել է Լավրովը:
Հիշեցնենք, որ նախօրեին Քլինթոնը ժամանել էր Վիլնյուս և կոչ է արել հետաքննել ՌԴ Պետդումայի ընտրակեղծիքները:
«ԵԱՀԿ-ն ցույցերի տեղ չէ, Մոսկվայի Տրիումֆալնի հրապարակը չէ, որտեղ հռետորները գալիս են, որպեսզի սրտները բացեն, շրջվեն ու հեռանան»,- մեջբերում է նախարարին Интерфакс գործակալությունը:
