CBS News-ի թղթակից Քլարիսա Ուորդը քողարկված մեկնել է Սիրիա` հնարավորություն ունենալով տեսնել հեղափոխության հազվադեպ երևացող կողմը: Նա հաղորդում է, որ նախկին զինվորների անընդհատ մեծացող խմբեր կան, որոնք միանում են ասպտամբությանը:
Ուորդի հետ են եղել հատուկ ուղեկիցներ, ովքեր ճանապարհի որոշակի մի կետում փակել եմ նրա աչքերը` պաշտպանելու համար այն վայրի անվտանգությունը, ուր Ուորդը պետք է հանդիպեր Սիրիայի Ազատ բանակ շարժման անդամներին:
Նրանք Սիրիայի նախկին զինվորներ են, ովքեր հրաժարվել են կրակել իրենց համաերկրացիների վրա և որոշել են զենք վերցնել նախագահ Բաշար Ալ-Ասադի իշխանության դեմ:
Հրամանատարն ասել է. «Մենք պայքարում ենք նրանց դեմ, ովքեր մեր երեխաներին որբ են դարձրել, և մեր կանանց` այրի»:
Զինվորականները հայտնում են, որ ռազմական ուժերի դեմ հարձակումներ են իրականցնում ողջ երկրով մեկ:
Ոչ ոք դեռ չգիտի, թե որքան մեծ է Սիրայի Ազատ բանակը, բայց, ինչպես նկատվում է, անդամների թիվը գնալով ավելանում է:
Շարժման անդամները ասում են, որ իրենք չեն ընտրել պատերազմը, նրանց ստիպել են մասնակցել դրան` իրենց ժողովրդին և պատիվը փրկելու համար:
