«Ամանորին ընդառաջ պաշտոնանկությունների տեսքով անակնկալներ քաղաքական դաշտում չեն սպասվում: Մեր ունեցած տեղեկությունների համաձայն` մարզպետների հրաժարականների հարցը հետաձգվում է, այնպես որ, հանգիստ խղճով, դեռ մարզպետի կարգավիճակով ոմանք կարող են Նոր տարի նշել»,- գրում է «Երկիր»-ը և հավելում.
«Պաշտոնանկությունները հետաձգող գլխավոր «մեղավորը» Սյունիքի մարզպետ Սուրիկ Խաչատրյանն (Լիսկա) է՝ իր «հերոսական» արարքով: Գործարար կնոջը ծեծելուց հետո «վերևներից» ծպտուն անգամ դուրս չեկավ: Տպավորություն էր, որ եթե Գագիկ Բեգլարյանի դեպքում արարքը հանրապետության նախագահի համար «անընդունելի է», ապա Սյունիքի մարզպետի դեպքում, լավ էլ ընդունելի է:
Հակառակ դրան` ՀՀԿ-ն և, մասնավորապես, երկրի նախագահը եղածին գնահատական կտար: Իսկ նման գնահատականի բացակայության և Սուրիկ Խաչատրյանին չհեռացնելու պայմաններում առավել քան անհասկանալի կլիներ, եթե մյուս մարզպետներին հեռացնեին…»:
