Հայաստանում ամեն բան գնում է մեկ մարդու կամքով, ինչին ժողովուրդը դեմ է: Այսօր կայացած քննարկման ժամանակ նման տեսակետ հայտնեց ՀԱԿ ներկայացուցիչ Ֆելիքս Խաչատրյանը:
«Հանրապետության նախագահը պետք է կանչի իր նազիր-վեզիրներին և ասի, որ հերիք է, այսպես շարունակել չի կարելի»,- նկատեց նա:
«Նահանջելը սխալ է, և պետք է մասնակցենք ընտրություններին: Ծեծվենք էլ, պիտի մասնակցենք ընտրություններին, չմասնակցելը սխալ է»,- հավելեց Ֆելիքս Խաչատրյանը:
«Ժառանգության» պատգամավորն էլ հավելեց, որ իշխանության մեջ եղած կուսակցությունները իրենց չկատարած աշխատանքը փորձում են փոխհատուցել շլացուցիչ շոուներով: «Մեզ մոտ միակուսակցականության գործընթաց է գնում»,- համոզմունք հայտնեց պատգամավորը:
ՀՅԴ պատգամավոր Արծվիկ Մինասյանը համաձայնեց, որ անկախ ամեն ինչից` պետք է մասնակցել ընտրություններին: «Կոչս ՀԱԿ-ին. եթե նա ազատ ընտրություններ է ուզում, ինչու չի համագործակցում: Բերեք միանանք գաղափարների շուրջ: Անհրաժեշտ է միշտ պայքարել, պայքարն է արդյունք ծնում»,- նշեց նա:
