Единая Россия կուսակցությունը մտադիր է պատասխան տալ ընդդիմադիր ակցիաներին` դեկտեմբերի 6-ին Մոսկվայի կենտրոնում կազմակերպելով 10-հազարանոց ցույց: Կուսակցությունում հայտարարել են, որ թույլ չեն տա, որպեսզի փոքրամասնությունը իր կամքը թելադրի մեծամասնությանը, և իրենց հաղթանակը ոչ մեկին չեն տա: Այս մասին РИА Новости-ին հայտնել է Единая Россия-ի գերագույն խորհրդի նախագահի քարտուղարի առաջին տեղակալ Անդրեյ Իսաևը:
Մի քանի տասնյակ մարդ երկուշաբթի Մոսկվայում արտոնված ցույցի ժամանակ շարժվել է դեպի Լուբյանկայի հրապարակ: Այս շրջանում ուժեղացվել են անվտանգության միջոցառումները, գրեթե բոլոր խաչմերուկները փակել էին ոստիկանները:
«Այստեղ մի քանի երիտասարդներ մտադրված գործել էին այնպես, որ տրանսպորտային խցանումներ առաջացնեն մայրաքաղաքի կենտրոնում` կանգնեցնելով երթևեկությունը: Ես այդ պահին գտնվում էին Լուբյանկայում և տեսել եմ, թե ինչպես են նրանք հարվածել մեքենաներին և անհարգալից վերաբերմունք դրսևորել այն մարդկանց նկատմամբ, ովքեր ցանկացել են այդ պահին տուն վերադառնալ, զբաղվել սեփական խնդիրներով»,- ասել է Իսաևը:
Նա համարում է, որ ոստիկանությունը գործել է շատ գրագետ, օրենքի շրջանակներում և չի թողել, որ քաղաքի կենտրոնում տեղի ունենան զանգվածային անկարգություններ: Նա նաև հիշեցրել է, որ երկուշաբթի երեկոյան Единая Россия-ն նույնպես քաղաքի կենտրոնում անցկացրել է իր ցույցը` չխանգարելով քաղաքի երթևեկությանը:
