«Պահպանողական կուսակցության» առաջնորդ Միքայել Հայրապետյանը Facebook-ի իր էջում գրում է:
Տեսեք, թե ինչ ստոր տեխնոլոգիա է կիրառում նա, ով ի պաշտոնե պարտավոր է զբաղվել մեր պետության անվտանգությամբ: Նախ՝ որևէ մեկն առ այսօր երբևէ չի ասել, թե պետք է գաղտնազերծել Հայաստանի հակահետախուզական ծառայության գործակալական ցանցը, մինչդեռ գորիկը, սպեկուլյատիվ աճպարարությամբ, արտաքին հետախուզական ցանցը նույնացնում է ԿԳԲ-ի ներքին գործակալների՝ Չարենցի, Բակունցի, Մինասի, Հայրիկյանի, Նավասարդյանի, Արշակյանի և հարյուր հազարավորների դեմ ստուկաչություն արած ու վերջնահաշվարկում՝ նրանցից շատերի գլուխը կերած կամ կյանքերը խեղած տականքների հետ, ապա կատարում երկրորդ ստորությունը՝ դրանց անվանելով «պարկեշտ, հայրենասեր, մարդկային լավագույն հատկանիշներով օժտված անձնավորություններ»:
Հայաստանը պարտավոր է իր քաղաքացիների համար հստակ նշել իր արժեհամակարգը՝ ո՞րն է լավ եվ ո՞րը՝ վատ: Երկրորդ՝ գորիկը ստում է` ասելով, թե «Մի շարք եվրոպական երկրներ, այդ թվում՝ հետխորհրդային մի քանի հանրապետություններ նմանատիպ քայլեր ձեռնարկեցին այս ուղղությամբ: Պետք է նշեմ, որ դա չարժանացավ հասարակության լայն խավերի հավանությանը և ժամանակին կասեցվեց»:
Մեր հարևան Վրաստանը, որի հաջողություններին այդպես նախանձում ենք, այդ քայլն արեց և արժանացավ հասարակության լայն խավերի հավանությանը, բացառությամբ, իհարկե, ստուկաչ տականքների ու սովետական չեկիստ մանիպուլյատորների:
Գորիկի այս խոսքը մեկ անգամ ևս ապացուցում է, թե Հայաստանի անվտանգության, լինելիության տեսանկյունից որքան կարևոր են սեփական երկրի քաղաքացիների դեմ աշխատած ներքին գործակալական ցանցի գաղտնազերծումը և այդ ստուկաչների, սովետական կգբշնիկների, կոմունիստական և կոմսոմոլական բարձր պաշտոններ զբաղեցրած ֆունկցիոներների՝ մեր երկրի ղեկին ու քաղաքացիների գիտակցությանը մոտենալն օրենքով արգելելը, այլապես Հայաստանում հավերժական կլինեն չարենցների գլուխ ուտողները, հավերժական կլինեն ի լուր աշխարհի և ի դաստիարակություն մեր մատաղ սերնդի՝ ցինիկաբար դրանց «հայրենասեր» անվանող գորիկները:
Այսպիսի օրենք չունենալով՝ Հայաստանի իբրև թե ազգային անվտանգությունը, իսկ իրականում՝ ռուսական ԿԳԲ-ի աբորիգեն ռուդիմենտը, երբևէ չի կարողանա բացահայտել սեփական երկրի առնվազն 10 խաղաղ քաղաքացու սպանությունը, սակայն սեփական քաղաքացիներից ստորաբար կփորձի կորզել, թե ովքեր էին ցանկանում, որ «ռուսական ներկայությունը նվազի Հայաստանում»: Ե՛ս եմ ցանկանում, Գորի´կ, և այդ նվազեցումը սկսվում է քեզպեսներից մեր պետական համակարգն ազատելուց:
