Ադրբեջանական ANS PRESS-ի փոխանցմամբ՝ այսօր Ադրբեջանում գրանցվել է սարսափելի ճանապարհա-տրանսպորտային պատահար։ Բաքու-Ղուբա ճանապարհի 34-րդ կիլոմետրում՝ Սումգայիթի մոտ, միմյանց են բախվել Mercedes տիպի բեռնատարն ու BMW մարդատար ավտոմեքենան։ Բախման հետևանքով առաջացել է հրդեհ, և 8 մարդ ողջ-ողջ այրվել է։
Սա հաստատել է Պետական ճանապարհային ոստիկանության գլխավոր վարչությունը։ Վերջինս ներկայումս զբաղված է կենդանի այրված անձանց ինքնությունը ճշտելով։ Հայտնի է, որ այդ 8 անձանցից 6-ը գտնվել են BMW-ում, իսկ մյուս երկուսը՝ Mercedes-ում։
