2011 թ. նոյեմբերին՝ հոկտեմբերի համեմատ ՀՀ սպառողական շուկայում արձանագրվել է 1.2% գնաճ, այդ թվում՝ պարենային ապրանքների (ներառյալ ոգելից խմիչք և ծխախոտ) գներն աճել են 1.9%-ով, ոչ պարենային ապրանքներինը`0.3%-ով, ծառայությունների սակագները` 0.3%-ով:
Ազգային վիճակագրական ծառայության այսօր հրապարակած տվյալների համաձայն՝ 2011 թ. հունվար-նոյեմբերին սպառողական գների միջին ամսական հավելաճը կազմել է 0.2%, ինչը 0.5 տոկոսային կետով ցածր է նախորդ տարվա նույն ժամանակահատվածում արձանագրված համապատասխան ցուցանիշից (0.7%):
2011 թ. նոյեմբերին՝ 2010 թ. նոյեմբերի համեմատ սպառողական գների ինդեքսը կազմել է 104.8%, այդ թվում՝ պարենային ապրանքներինը (ներառյալ ոգելից խմիչք և ծխախոտ)`106.4%, ոչ պարենային ապրանքներինը`103.8%, ծառայությունների սակագներինը`102.6%, իսկ հունվար-նոյեմբերին՝ 2010 թ. հունվար-նոյեմբերի համեմատ համապատասխանաբար 107.9%, 111.8, 103.3 և 103.7%:
2011 թ. նոյեմբերին՝ հոկտեմբերի համեմատ հանրապետության դիտարկվող բոլոր քաղաքներում սպառողական գներն աճել են 0.7-1.4%-ով: Գնաճի ամենաբարձր ցուցանիշն արձանագրվել է մայրաքաղաքում:
