«Առանց արվեստի երկիր չի լինում: Մեր օլիգարխները, որոնք ատում են Մոցարտին և սիրում «Գարուշիկներին», պետք է տեղից շարժվեն: Պետք է հասկական, որ արվեստը լավ բան է, կարելի է էդ սիրուն շորիկները հագնել և գալ ֆիլհարմոնիկի համերգին, և կամաց-կամաց լավ կլինի: Ես գիտեմ, որ ամբողջ աշխարհում օլիգարխները պատիվ են համարում Գերգևին կամ Պլետնյովին գումար տալը, մեզանում՝ չգիտեմ… Մենք պետք է հասկանանք, որ արվեստում կան անփոխարինելի մարդիկ»,- այսօր տեղի ունեցած ասուլիսի ժամանակ նշեց Հայաստանի պետական ֆիլհարմոնիկի գեղղեկավար, գլխավոր դիրիժոր Էդուարդ Թոփչյանը:
Խոսելով հետագա ծրագրերի մասին՝ նա նշեց, որ իրենք պատրաստվում են ֆիլհարմոնիային կից ստուդիա բացել, որը կտարբերվի սովորական երաժշտական դպրոցներից, կստեղծի նոր սերունդ, որը կունենա երաժշտական ճիշտ դաստիրարակություն. «Եթե մենք չհասկանանք, որ երկրին արվեստ է պետք, 3-4 տարում կկորցնենք այն ամենը, ինչ ունենք, կամ էլ կստեղծենք նոր սերունդ»: