Չինաստանն ու Թուրքիան որոշել են իրենց համագործակցությունը բարձրացնել ռազմավարական փոխգործակցության մակարդակի: Երկկողմ բանակցություններից հետո այս մասին հայտարարել են Չինաստանի վարչապետ Վեն Ձյա Բաոն եւ Թուրքիայի վարչապետ Ռեջեփ Թայիփ Էրդողանը:
Վեն Ձյա Բաոն ասել է, որ երկու կողմերի` համագործակցության մակարդակը բարձրացնելու որոշումը կնպաստի աշխարհում խաղաղության գործընթացներին: Նրա խոսքով` Չինաստանն ամեն ինչ կանի, որպեսզի ավելացվի առեւտրաշրջանառությունը Թուրքիայի հետ, որի դերակատարությանը տարածաշրջանային գործընթացներում չինական կողմը մեծ նշանակություն է տալիս:
Հիշեցնենք, որ Չինաստանի վարչապետը մեծ եվրասիական շրջագայության ժամանակ արդեն այցելել է մի շարք եվրոպական երկրներ, այդ թվում` Թուրքիա:
