Մեծ Բրիտանիայի կանցլեր Ջորջ Օսբորնը երեքշաբթի օրը` զանգվածային գործադուլի նախօրեին, մեծացրել է կառավարության վեճը հանրային սեկտորների աշխատողների հետ` հայտնելով վճարումների նոր սառեցումների և ազգային բանակցությունների հնարավոր ավարտի մասին:
Օսբորնի աշնանային զեկույցում արված հայտարարության մեջ ներառված էին բյուջեի պատասխանատվության գրասենյակի հրատարակած հաշվարկները, ըստ որոնց` գալիք 5 տարիների ընթացքում 710.000 հանրային սեկտորի աշխատատեղեր կարող են փակվել: Սա նշանակում է, որ բազմաթիվ բուժքույրեր, քաղաքացիական ծառայողներ շատ թանկ են վճարում տնտեսական ճգնաժամի համար, որում իրենք մեղք չունեն:
The guardian-ը գրում է, որ կանցլերը ներկայացրել է իր որոշումը, ըստ որի՝ հանրային սեկտորի վճարումները 2013 թվականից սկսած՝ երկու տարով կբարձրանան մեկական տոկոսով՝ երկու տարի տևած վճարումների սառեցումներից հետո:
Օսբորնը նաև իր զեկույցում հայտնել է, որ Բրիտանիան կանգնած է ճգնաժամի ճանապարհին, և որ հաջորդ տարի տնտեության աճ գրեթե չի նկատվի:
Նա ասել է, որ Բրիտանիայի դեֆիցիտը կրճատելու կարիքն ավելի մեծ է, քան նախկինում կարծում էին, և «պարտքերի վերաբերյալ հետագա գործողություններ են» անհրաժեշտ` երաշխավորելու համար, որ «Բրիտանիան շարունակում է ապրել իր միջոցներով»: