Դեպի HMS Belfast նավ-թանգարան տանող կամրջակի փլուզվելուց հետո երկու աշխատողների տարել են հիվանդանոց: Նավի տախտակամածին գտնվող 100 մարդու փոքրիկ նավակներով էվակուացրել են:
Mail Online-ը գրում է, որ կամրջակը, որը պատրաստված էր երկաթե տախտակամածից և ծածկված էր անջրանցիկ բրեզենտով, գրեթե կիսով չափ ընկղմված էր Թեմզա գետի մեջ: Թեմզան անցնելու այդ հատվածը փակվել է, որպեզի շտապօգնության մեքենաները հեշտությամբ մոտենան նավին:
Հիշեցնենք, որ HMS Belfast նավը մասնակցել է Երկրորդ համաշխարհային պատերազմին ու Կորեական պատերազմին, և այժմ գտնվում է Թեմզայի վրա` որպես Կայսերական պատերազմի թանգարանի մաս:
Թանգարանի խոսնակն ասել է, որ նավի վերաբացվելու դեպքում հայտարարություն կտրվի: