Իտալիայի կառավարությունը անհապաղ պետք է գործի դնի ֆիսկալ կոնսոլիդացիայի միջոցները, որոնք հնարավորություն կտան կրճատել բյուջետային դեֆիցիտը 11 միլիարդ եվրոյով:
Ինչպես հայտնում է Reuters գործակալությունը՝ վկայակոչելով իտալական ԶԼՄ-ներին, նմանատիպ կոչ է պարունակվում է Եվրահանձնակատար Օլլի Ռենի ստորագրությամբ փաստաթղթում, որը պատրաստվել է եվրոգոտու ֆինանասների նախարարների այսօրվա հանդիպման համար:
Փաստաթղթում նշվում է, որ Իտալիան պետք է հավասարակշռության բերի 2013 թվականի պետական բյուջեն, որպեսզի վերադարձնի շուկաների վստահությունը և բարելավի տնտեսության միջնաժամկետ հեռանկարները: Իտալիայի դեֆոլտի ռիկսը «կարող է աճել համապատասխան միջոցներ չձեռնարկելու դեպքում»:
Ենթադրվում է, որ հանդիպման ժամանակ եվրոգոտու երկրների նախարարները հաստատելու են Հունաստանի վարկային ծրագիրը` 110 միլիարդ եվրո ծավալով վեցերորդ տրանշի բաշխումը, որը ձգձգվել էր ամիսներ առաջ Հունաստանի քաղաքական ճգնաժամի պատճառով:
Նշենք, որ նախորդ գիշեր իտալական էլեկտրոնային ԶԼՄ-ները հայտնել էին նոր հակաճգնաժամային նախագծի մասին, որն իբր պատրաստում են եվրոգոտին և ԵՄ: