Գերմանիայում սկսել են ազատվել «խոզի գրիպի» ժամկետանց պատվաստանյութերից: Այդ մասին հայտնում է գերմանական dpa լրատվական գործակալությունը: Դեղորայքի առաջին խմբաքանակը այրելու են նոյեմբերի 29-ին:
2009 թվականին Գերմանիան ձեռք էր բերել 34 միլիոն փաթեթ խոզի գրիպի դեմ: Արդյունքում 28,7 միլիոն փաթեթը պահեստում է մնացել երկու տարի, մինչև լրացել էր դրանց ժամկետը:
Ստացվում է, որ Գերմանիան իզուր ծախսել է 239 միլիոն եվրո: Բժշկական ապահովագրական ընկերությունները իշխանություններին գումար են վճարել միայն դեղերը կիրառելու համար: Պատվաստանյութի ոչնչացումը արժենալու է 14 հազար եվրո:
Ավելի վաղ իշխանությունները փորձել են պատվաստանյութերը վաճառել այլ երկրների, սակայն գնորդ չեն գտել: