«Ազատություն» ռադիոկայանը տեղեկացնում է, որ ԼՂ նախագահ Բակո Սահակյանը և Հայ Առաքելական եկեղեցու Արցախի առաջնորդ Պարգեւ արքեպիսկոպոս Մարտիրոսյանը Արգենտինայի մայրաքաղաք Բուենոս Այրեսում են։
Այցի շրջանակներում նախատեսվում են հանդիպումներ մեծահարուստ բարերարների հետ` Ղարաբաղում տնտեսական, սոցիալական եւ կրթական ծրագրեր իրականացնելու նպատակով։
Այսօր տեղի է ունենալու ԼՂ նախագահի մամուլի ասուլիսը, իսկ վաղը նա կհանդիպի հայ համայնքի հետ ։
ՄԻ քանի օր առաջ Արգենտինայում Ադրբեջանի դեսպանը մտահոգություն էր հայտնել Ղարաբաղի նախագահի նախատեսվող այցի կապակցությամբ։ Նա Բակո Սահակյանին անվանել էր «անջատողականների առաջնորդ» եւ արգենտինացի օրենսդիրներին խնդրել էր չհանդիպել նրա հետ։
Դեռևս հայտնի չէ կկայանա՞ արդյոք ԼՂ նախագահի և Արգենտինայի օրենսդիրների հանդիպումը։
