Եգիպտոսում պայթեցրել են գազատար, որը վառելիք էր մատակարարում Իսրայել և Հորդանան:
Ինչպես հայտնում է France-Presse գործակալությունը, երկու պայթյուն տեղի է ունեցել նոյեմբերի 28-ի վաղ առավոտյան` Սինայի թերակղզում գտնվող Ալ-Արիշ քաղաքից արևմուտք, ընդամենրը մի քանի վայրկյանի տարբերությամբ: Ականատեսները պայթյուններից առաջ տեսել են ջիպ մակինիշի ավտոմեքենա, որում եղել են դիմակավոր անհայտ անձինք:
Մարդկային զոհերի մասին դեռ չի հայտնվում:
2011 թվականի փետրվարին Եգիպտոսի նախկին նախագահ Հուսնի Մուբարաքի իշխանության տապալումից հետո Սինայի թերակղզում այս պայթյունը արդեն իններրորդն էր: Ինչպես ենթադրում էին Եգիպտոսի իշխանությունները, պայթյունի պատասխանատվությունը իրենց վրա են վերցնում տեղի բեդվինական ցեղերը, որոնք դժգոհում են Եգիպտոսից Իսրայել վառելիք է տրամադրելուց: Նմանատիպ միջադեպ էր տեղի ունեցել նաև նոյեմբերի 25-ին:
Գործակալությունը նշում է, որ պայթյունները տեղի են ունեցել Եգիպտոսի խորհրդարանի համաժողովրդական ընտրությունների առաջին փուլից մի քանի ժամ առաջ:
