РИА Новости-ի փոխանցմամբ՝ վաղը Հարավային Օսիայում կայանալու է նախագահական ընտրությունների երկրորդ փուլը։ Առաջին փուլը տեղի էր ունեցել նոյեմբերի 13-ին, որին մասնակցել են 11 թեկնածուներ։
Դրա արդյունքներով ամենաշատ քվեները հավաքել էին Հարավային Օսիայի Արտակարգ իրավիճակների վարչության ղեկավար Անատոլի Բիբիլովն ու նախկին կրթության նախարար, ընդդիմության առաջնորդ Ալլա Ջիոևան, որոնք էլ պայքարելու են ընտրությունների երկրորդ փուլում։ Փորձագետներն առավել հավանական են համարում Բիբիլովի հաղթանակը։
Հիշեցնենք, որ նոյեմբերի 13-ին Ալլա Ջիոևան ստացել էր 24.6 տոկոս, իսկ Անատոլի Բիբիլովը՝ 23.8 տոկոս քվեներ։