Այսօր`20:00-ին մեկնարկեց «Հայաստան» համահայկական հիմնադրամի տարեկան հեռուստամարաթոնը, որը կշարունակվի մինչև առավոտյան ժամը 8:00-ը:
Հիշեցնենք, որ հեռուստամարաթոնը հեռարձակվում է Լոս Անջելեսից և հնարավոր է դիտել մալուխային, արբանյակային հեռուստատեսությամբ և ինտերնետային կապով:
Հայաստանում հեռուստամարաթոնը հեռարձակվում է Հ1, «Արմենիա», «Շանթ» և «Երկիր Մեդիա» հեռուստաալիքներով:
Հայաստանում գործող երեք բջջային օպերատորների բաժանորդները 7733 հեռախոսահամարին կարող են ուղարկել իրենց անուն-ազգանունը կամ դատարկ հաղորդագրություն և նվիրաբերել 500 դրամ:
Ռուսաստանյան բջջային օպերատորների բաժանորդները 7733 հեռախոսահամարին ուղարկելով Jur բառը` կնվիրաբերեն 10 ԱՄՆ դոլարին համարժեք դրամ:
Նվիրատվություններ անել ցանկացողները կարող են քարտային փոխանցումներ կատարել 52 64 74 հեռախոսահամարին (Visa, MasterCard, ArCa, American Express, Discover, Diners Club international), բանկային փոխանցումներ կատարել hամապատասխան հաշվեհամարներին, որոնք կտրամադրվեն գործադիր վարչության կողմից ցանկացած օր կամ online նվիրատվություն անել donate.himnadram.org կայքին: