Մամուլի ազգային ակումբում հրավիրած քննարկման ժամանակ «Նոր ժամանակներ» կուսակցության նախագահ Արամ Կարապետյանը, իբրև քաղաքական օրակարգի առաջնահերթություններ, երկու բան նշեց` ներքին և արտաքին: Արտաքին առաջնահերթությունը, ըստ Արամ Կարապետյանի, պատերազմից խուսափելն է, իսկ ներքինը` անցնցում իշխանափոխությունը: Արամ Կարապետյանը նշեց, որ ընդդիմությունը փորձում է ցույցերով, հարցազրույցներով ճնշում գործադրել իշխանությունների վրա, իսկ իշխանությունը զբաղվում է միայն քարոզչությամբ` ագիտացիայով և պրոպագանդայով: Արամ Կարապետյանն ուշադրություն հրավիրեց այն հանգամանքի վրա, որ մարտի 1-ին մարդիկ գնդակահարվեցին, սակայն դա չդարձավ կոալիցիայի համար քաղաքական առաջնահերթություն:
