Ադրբեջանի արտաքին գործերի նախարար Էլմար Մամեդյարովը Սեուլում հանդիպում է ունեցել Կորեական Հանրապետության արտաքին գործերի և առևտրի նախարար Կիմ Սունգ Հվանի հետ: Ինչպես տեղեկացրել է Ադրբեջանի ԱԳ նախարարության մամուլի ծառայությունը, հանդիպմանը Մամեդյարովը, նշելով երկու երկրների միջև տնտեսական հարաբերությունների զարգացման բարձր տեմպերը, ընդգծել է, որ Ադրբեջանը 2011-2013 թթ. առաջնային գործակից է Կորեայի համար:
Անդրադառնալով ղարաբաղյան հակամարտության խաղաղ կարգավորման բանակցային գործընթացին` Ադրբեջանի արտգործնախարարն ասել է, որ այդ հիմնախնդիրը «պետք է իր լուծումը գտնի միջազգային իրավունքի նորմերի ու սկզբունքների հիման վրա՝ Ադրբեջանի տարածքային ամբողջականության շրջանակներում»: