Նոյեմբերի 20-ին Իտալիայում, 92 տարեկանում մահացել է Ferrari ապրանքանիշի ավտոմեքենաների դիզայներ Սերջիո Սկալետտին:
Ինչպես հայտնում է La Repubblica-ն, մինչև իր կյանքի վերջը Սկալետտին մասնակցել է ընկերության հավաքներին: Նա փառավորվել է թագավորական արարողությունների համար ավտոմեքենաներ ստեղծելով:
Սերջիո Սկալետտին պարզապես դիզայներ չէր. նա ավտոմեքենաները չէր նկարում թղթի վրա, այլ դրանք ստեղծում էր ալյումինից՝ մուրճի օգնությամբ: Այդ ժամանակ ավտոմեքենաները չունեին ժամանակակից տանիք, այն փոխարինում էր շրջանակը, որի վրա դրվում էր տանիքը: Ավտոմեքենաների տանիքները, որոնք թողարկվում էին սահմանափակ տպաքանակով, ձեռքով ստեղծում էին հատուկ վարպետները, որոնց թվում էր Սկալետտին:
Սկալետտին ծնվել էր 1920 թվականին և արդեն 17 տարեկանում սկսել է աշխատել Ferrari մրցավազքային թիմում` որպես տանիքների վերանորոգման մասնագետ: Այնուհետև նրա արհեստանոցը սկսեց թողարկել սպորտային ավտոմեքենաների ճանապարհային տարբերակներ: Այնտեղ ստեղծվել են շատ-շատերի երազած ավտոմեքենաները:
Սկալետտին նաև ստեղծել է շքեղ Ferrari-ներ , որոնք նախատեսված էին թագավորական ընտանիքների անդամների համար: Այսպես, Սկալետտիի արհեստանոցում է ստեղծվել հանրահայտ 375 MM մոդելի ավտոմեքենան, որը իտալացի կինոռեժիսոր Ռոբերտո Ռոսսելլին նվիրել էր իր սիրեցյալին` դերասանուհի Ինգրիդ Բերգմանին: Արդյունքում այն ստացել է Ferrari 375MM Berlinetta Speciale Bergman Coupe անվանումը: 1975 թվականին Սկալետտին իր արհեստանոցը վաճառել է Էնցո Ֆերարիին:
Նշենք, որ 2011 թվականի առաջին եռամսյակի արդյունքներով, Ferrari ընկերությունը ստացել է իր 82-ամյա պատմության մեջ ռեկորդային եկամուտ:
