Համաշխարհային բանկի Երևանի գրասենյակը, իր հանրային տեղեկատվության ծառայությունների շրջանակում, հայտարարում է ակնարկների (շարադրությունների) մրցույթ` Հայաստանի բուհերի ուսանողների համար:
Մրցույթի նպատակն է բարձրացնել իրազեկությունն ու քննարկում ծավալել երկրի առջև ծառացած զարգացման հիմնական մարտահրավերների վերաբերյալ:
Այն նաև կնպաստի ՀԲ-ի` ներկայում աշխատանքային փուլում գտնվող «Հայաստանում գյուղատնտեսության և գյուղերի զարգացման քաղաքականության» մասին զեկույցի նախապատրաստմանը:
Շարադրության թեման է «Հայկական գյուղը 21-րդ դարում. Գյուղական բնակավայրերում կյանքի մակարդակի բարձրացման քաղաքականություններ»:
Ձեր կարծիքով` որո՞նք են Հայաստանի առջև ծառացած գլխավոր մարտահրավերները գյուղատնտեսության, սննդի արտադրության, գյուղերի տնտեսական զարգացման ոլորտներում և ի՞նչ լուծումներ եք տեսնում գյուղական երիտասարդության կյանքի բարելավման, մշակութային ժառանգության վերականգնման և համայնքային զբոսաշրջության զարգացման բնագավառներում:
Ակնարկների ներկայացման վերջնաժամկետն է 2012թ. հունվարի 20-ը:
Շարադրությունները կարելի է ուղարկել էլեկտրոնային փոստով կամ ներկայացնել ՀԲ-ի Երևանի գրասենյակ։
Աշխատանքը չպետք է գերազանցի 4 էջը:
Լավագույն 5 ակնարկների համար ՀԲ-ի Երևանի գրասենյակը կտրամադրի դրամական մրցանակներ:
