Համացանցում տարածվել են Բազ Լուրմանի «Մեծն Գրեթսբի» (The Great Gatsby) ֆիլմի նկարահանման հրապարակից արված առաջին լուսանկարները:
Ինչպես հայտնում է Lenta.ru-ն, ֆիլմի հերոսների կերպարներով լուսանկարներում երևում են Լեոնարդո դի Կապրիոն, Քերի Մալիգանը և Թոբի Մագուայրը: Դի Կապրիոն խաղում է Գեթսբիի դերը, Մալիգանը` Դեյզի Բյուքենենի, իսկ Մագուայերը կատարում է Նիկ Քարավեյի դերը:
Լուրմանը «Մեծն Գեթսբի» ֆիլմի նկարահանման աշխատանքները սկսել է 2011 թվականի սեպտեմբերին: Ֆիլմը վարձույթի կհանվի 3D ֆորմատով 2012 թվականի դեկտեմբերի 25-ին:
Լուրմանի տարբերակը Ֆիցջերալդի վեպի առաջին էկրանավորումը չէ: Գրքի հիման վրա ստեղծված ֆիմլերը վարձույթի էին հանվել 1949 և 1974 թվականներին: Բացի այդ, 2000 թվականին հեռուստադիտողին ներկայացվել էր «Մեծն Գեթսբի» հեռուստատեսային ժապավենը: