Корреспондент.net -ի փոխանցմամբ՝ Իրանը պատաստ է իր միջուկային ծրագրին առնչվող հակամարտության դեպքում նավթն օգտագործել որպես քաղաքական զենք։ Այս մասին հայտարարել է Իրանի նավթի նախարար Ռոստամ Ղասեմին.
«Առայժմ մենք կարծում ենք, որ ամեն ինչ կարգին է, և կարիք չկա նավթը ծառայեցնել որպես զենք։ Այնուամենայնիվ, ես պետք է ընդգծեմ, որ եթե դրա կարիքը զգացվի, ապա մենք անհրաժեշտ կհամարենք օգտվել այդ հնարավորությունից։
Իրանի տնտեսությունը նույնպես կախված է Հորմուզի նեղուցով նավթի արտահանումից, դրա համար էլ մոտ ապագայում ես չեմ կանխատեսում արտահանմանն առնչվող խնդիրների առաջացում»։
Հիշեցնենք, որ օրեր առաջ բրիտանական Financial Times պարբերականը գրել էր, որ արդեն 2012 թվականի գարնանը նավթի գինն Իսրայելի ու Իրանի միջև պատերազմի սպառնալիքի պատճառով կարող է գերազանցել 200 դոլարի սահմանագիծը։ Ներկայումս այն հասել է 115 դոլարի։