Իշխող «Բաաս» կուսակցության նստավայրը Դամասկոսում նոյեմբերի 20-ի առավոտյան գնդակոծել են նռնականետից: Այս մասին հաղորդում է Reuters-ը:
Գործակալության տվյալների համաձայն՝ շենքի վրա արձակել են առնվազն երկու ռումբ: Վիրավորների մասին տեղեկություններ չկան, սակայն հաղորդվում է, որ գրոհի ժամանակ շենքում գրեթե մարդ չի եղել:
Reuters-ը նշում է, որ սա առաջին գրոհն է՝ սիրիացի ապստամբների կողմից:
Al Arabiya հեռուստաալիքի հաղորդմամբ` միայն շաբաթ օրը Սիրիայում սպանվել է 25 մարդ:
Հիշեցնենք, որ Սիրիայում մի քանի ամիս է, ինչ շարունակվում են հակակառավարական ելույթները, և ըստ ՄԱԿ-ի տվյալների՝ արդեն զոհվել է 3500-ից ավել մարդ:
