Warner Bros. ընկերությունը հետաձգում է Անվտանգության դաշնային ծառայության նախկին աշխատակից Ալեքսանդր Լիտվինենկոյի մասին ֆիլմի նկարահանումը:
Ինչպես հայտնում է Deadline կինոստուդիայի բլոգը, Լիտվինենկոյի դերն ամենայն հավանականությամբ տրվել էր Մայքլ Ֆասբենդերին, որը նկարահանվել է «Անփառունակ անպատկառներ» և «Իքս մարդիկ. առաջին դաս» ֆիլմերում: Ֆիլմի պրոդյուսերներից մեկը Ջանի Դեպն էր լինելու:
Փաստորեն, Լիտվինենկոյի մասին պատմող ֆիլմը չի դառնա ռեժիսոր Ռուբերտ Ուայթի հաջորդ ֆիլմը: 20th Century Fox-ը ցանկանում է, որ նա նկարահանի «Կապիկների մոլորակի ապստամբություն» ֆիլմը: Հնարավոր է, որ Անվտանգության դաշնային ծառայության նախկին աշխատակցի մասին ֆիլմն ունենա ուրիշ ռեժիսոր:
Հիշեցնենք, որ Լիտվինենկոն, որը 2000 թվականին փախուստի էր դիմել Մեծ Բրիտանիա, մահացել է 2006 թվականի նոյեմբերի 23-ին՝ 44 տարեկանում, բրիտանական քաղաքացիություն ստանալուց հետո: Նրա մահից հետո առողջապահության բրիտանական գործակալությունը վստահեցրեց, որ Լիտվինենկոյի օրգանիզմում հայտնաբերել են մեծ քանակությամբ ռադիոակտիվ տարրեր: Լիտվինենկոյի մահվան մեջ մեղադրվում է քաղաքական գործիչ Անդրեյ Լուգովոյը: Թագավորական դատախազության ծառայությունը հայտարարել է, որ ունի բավարար ապացույցներ Լուգովոյին մեղադրանք առաջադրելու համար: Վերջինս հերքում է իր մեղավորությունը`հայտարարելով, որ Լիտվինենկոյի մահվան մեջ մեղավոր են Բրիտանիայի իշխանությունները:
