Ինչպես նոյեմբերի 16-ին հայտնում է Kol Yisrael իսրայելական ռադիոկայանը, Դամասկոսը ներողություն է խնդրել Ամանից Սիրիայում Հորդանանի դեսպանատան վրա հարձակվելու համար:
Հիշեցնենք, որ Դամասկոսում Հորդանանի դեսպանատունը հարձակման էր ենթարկվել անհայտ անձանց կողմից: Միջադեպը տեղի էր ունեցել այն բանից հետո, երբ Հորդանանի թագավորը քննադատել էր Սիրիայում տեղի ունեցող բռնությունները:
Մոտավորապես հարյուր ցուցարար հավաքվել էր դեսպանատան դիմաց այն բանից հետո, երբ Հորդանանի թագավոր Աբդալլահ II-ը ВВС-ին տված հարցազրույցում ասել էր, թե Բաշար Ալ-Ասադը պետք է հրաժարական տա:
Հորդանանյան թերթերն իրենց հերթին հայտնում են, որ սիրիական բանակը սկսել է ականապատել Հորդանանի հետ սահմանը: Այդ կերպ Ասադը փորձում է կանխել խաղաղ բնակիչների և դասալիքների փախուստը երկրից: Նշենք, որ անցած շաբաթ Սիրիան ականապատել էր Լիբանանի հետ սահմանը:
