Kuwait Times-ի փոխանցմամբ՝ Քուվեյթի իշխանություններն իրագործել են դեռևս 2007 թվականին կառավարության ընդունած պլանը, որը վերաբերում է Իրանի դեմ հնարավոր ռազմական գործողությունների սկսվելու պարագայում 6-8 ամսվա համար նախատեսված սննդամթերքի ու դեղորայքի կուտակմանը։
Պլանով նախատեսվում է երկրի քաղաքացիական և ռազմական ենթակառույցները պատրաստել Իրանի դեմ հնարավոր զինված հակամարտությանը, որպեսզի վերջինս նվազագույն ձևով ազդի քուվեյթցիների առօրյա կյանքի վրա։
Երկիրն արտակարգ իրավիճակին պատրաստելու նպատակով ստեղծվել է հատուկ կոմիտե, որում ներառվել են ներքին գործերի, արտաքին գործերի ու առողջապահության նախարարները։
Հիշեցնենք՝ օրեր առաջ հայտնի դարձավ, որ Իրանն ու Սիրիան 6 ռազմաճակատից բաղկացած հատուկ պլան են մշակել, որում խոսվում է այդ երկրների դեմ հնարավոր պատերազմի պարագայում ԱՄՆ տարածաշրջանային դաշնակից երկրներում ամերիկյան (կամ ՆԱՏՕ-ի) թիրախներին հարվածելու մասին։
